ബെംഗളൂരു:മുന്‍ പോണ്‍ സ്റ്റാറും ബോളിവുഡ് താരവുമായ സണ്ണി ലിയോണിന്റെ നൃത്തപരിപാടിക്ക് ആഭ്യന്തരവകുപ്പ് അനുമതി നിഷേധിച്ചതിന്റെ പശ്ചാത്തലത്തിൽ, സംഘാടകർ ഹൈക്കോടതിയെ സമീപിച്ചു. മാന്യത ടെക് പാർക്കിനു സമീപത്തെ വൈറ്റ് ഓർക്കിഡ് ഹോട്ടലിൽ പുതുവർഷരാവിൽ നടത്താനിരുന്ന ‘സണ്ണി നൈറ്റ് ഇൻ ബെംഗളൂരു ന്യൂഇയർ ഈവ് 2018’ എന്ന പരിപാടിക്ക് ബെംഗളൂരു സിറ്റി പൊലീസ് കമ്മിഷണർ ടി.സുനീൽ കുമാർ അനുമതി നിഷേധിച്ച സാഹചര്യത്തിലാണ് സംഘാടകരായ ടൈംസ് ക്രിയേഷൻസിനു വേണ്ടി ഹരീഷ് കോടതിയെ സമീപിച്ചിരിക്കുന്നത്.
പരിപാടിക്ക് അനുമതി നൽകണമെന്ന് ആവശ്യപ്പെട്ട് ആഭ്യന്തരമന്ത്രി രാമലിംഗ റെഡ്ഡിയെ നേരിൽ കാണാൻ ശ്രമം നടത്തിയെങ്കിലും, അവസരം ലഭിക്കാത്തതിനെ തുടർന്നാണ് നിയമവഴി സ്വീകരിച്ചത്. ഇന്ത്യൻ സംസ്കാരത്തിനു ചേർന്നതല്ല ഇത്തരം ആഘോഷമെന്ന് ആരോപിച്ച് കന്നഡ രക്ഷണ വേദികെ യുവസേന പ്രക്ഷോഭം വ്യാപകമാക്കിയതിനെ തുടർന്നാണ് അനുമതി നിഷേധിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
Related
